Popular Posts

الاثنين، 12 أبريل 2010

مستشفاتنا




,عزيزي المواطن ... هل فضلت يوما الموت علي ان تذهب الي غرفة الطوارئ باحدمستشفيات الكويت؟ هل واجهتك يوما ما مشكلة بايجاد موقف سيارة بمستشفي حكومي ؟هل طاف موعدك مع الطبيب بسبة عدم وجود مواقف كافية ؟هل في يوم بعد عناء شاق بايجاد موقف باحد المستشفيات الحكومية دخلت المستشفي ووجدت العيادة تصفر لانه انتهي الدوام ؟عزيزي المواطن هل في يوم و انت صافط اي كلام وجدت سيارتك مزلوقة؟ اوابن حلال صاك علي سيارتك؟
اذا كانت اجابتك بتعم علي الاقل علي ثلاث اسئلة فما عليك سوى اتيود التلفون وتتصل علي مجلس الامة وبصوت يملئه الحماس تقول يبا ترا ماصارت ؟ الحين ما مانبي فلوس ؟ مانبي زيادة معاشات ما نبي اتسقطون القروض ؟ نبي موقف ؟ نبي مستشفي مثل العالم ؟
و بعد ان تنتهي وانت بنفس الحماس ودق علي المجلس البلدي ... وروووح تولاهم وقول : انا بعرف منو المهندس العجيب اللي مصمم مواقف مستشفى الاميري ؟ اللي حاط المستشفى ورا ومخلي مواقف السيارات قبال البحر ؟؟؟علشان السيارات توسع صدرها ؟؟ ولا علشان تصير الروحة حق سوق شرق اقرب ؟؟؟ المرضي شلهم بالفيو ؟؟؟ السيارات اولى؟
رجاء يامجلس البلدي مرة ثانية سوى هيكلة عدلة ؟؟؟ مواقف تستوعب المستشفى بمرضى العيادات الخارجية بالزوار تراوالله المريض يكون فيه شوية نسم بس بسبب ان قاط سيارته بقلعة وادرين يوصل العيادة موصل و معتفس عنده كل شي ضغط تبض سكر..(لا رد عليك لا تقنع تم جادل يبا هذا حقك انت مواطن ). رد عليه : نعم هاا اي مو شغلك من شغله اخو هاا وزارة الاشغال...ومالك شغل لا توقف لا يفتر حماسك دق علي وزارة الاشغال ليما يطلعلك صوت رقيق صوت مزنوط و تكلم بنفس الحماسة الو وزارة الاشغال يردعليك : اي اي بابا انا كومار معلوم وزارا اشكال انتا بابا شنو يابي ,لا تسكت عن حق خلك قوي قول : ماكو احد ماكو بدالة سكرتارية شي ؟يرد :اي بابا كلو استازن انا بس موجودانت قول باباانا معلوم كلو فتو كوبي تابأ لازكةيجيب, جيبو بريد ودي توكيع مدير سوي كتم كلو شي معلوم انت باب شنو يبي ؟ايه مالك الا كومار : اي كومار انا بس ابيك تقول حق انت مدير سوي مواقف حق مستشفي واجد لان واجد نفرات في داخل مستشفي واجد دكتور واجد سستار واجد بورتر .كومار : اااا بورتر في بورتر انت يبي بورتر سوي شغل مستشفى ؟تتمتم, ولين :هه لا لا هذيل الشي الوحيد المكود منهم بالمستشفى لا بس ابي مواقف, كومار: انا بابايبي سوي شغل بورتر بمستشفي .انا بابا واحد نفر مسكين انا خمسة شهر ما يعطي معاش , بابا انا مسلم بابا انا يسوي كوران سلات صومي اناسوي زكات , تتمم : ها توك تقول نفر مسكين اشلون زكاة .كومار : ها جين جين جين لا بابا انا سوي ياخد زكات انا بابا اكو واحد ماما نفر واجد كبير واجد مريض. مم: اقول كومار تسلفني ؟ .

جميل جدا ان يكون لديك اطباء متعاونين فعقب الجولة الجميلة علي المواقف ياتي الطبيب يقولك اي الله يعافيك روح الشبرات الملفات طلع ملفك بعدين تعال غرفة 4 اخذ الضغط و الحرارة بعدين اصعد الدور الاول اخذ التحاليل بعدين انزل عتد الحوادث اخذ اشعة و اتثبر اشوي بغرفة الملاحظة علي ما تطلع النتايج واذا طلعت هاته و تعال ؟ فيك خير انطق قول شي تلقه الدكتور يتبسم بويهك اشدعوة هذي رياضة ,,, ابشرك من الحين الله يرحمك بس ها ما خلصنا عقب التحاليل بيقول الدكتور لالا سلامات ما فيك شي بس الضغط مرتفع و السكر مرتفع و دمك نازل و النبض سريع وجلطة بسيطةاخذ الادوية و ان شالله ماكو شر,بس اول ما تشوف نفسك روحك بتطلع و قاعد تزبد و عينك ترتفع لي فوق, تعال نسويلك صدمة كهربائية , الله و الله الدكتور ما قصر الحين يكتب لك علي ادوية يقولك الله يعافيك روح السرداب حق الصيدلية وطبعا طابور لي وصل دورك يقولك الصيدلي هذا ما ينصرف من اهني روح صيدلية العيادات الخارجية لحق عليهم قبل لا يمشون وركضة ركضة علي صيدلية العيادات بيقولك الصيدلي ,, الدوا هذا مو موجود روح حق دكتورك يكتب لك دوا بداله ,,,, الحين عض علي الدشداشة و انطلاق وطبعا بتسمع التحلطم الاتي : شنوهذا ناس و ناس.. صار لنا سنة ناطرين و تبي تدخل فوضى؟شنو جنا السالفة صار فيها واسطات ؟؟ ,, اقول ياالاخو ماعليه وسع صدريك ترا حاشهم ما حاشك .الحين دخلت علي الدكتور بقولك :اي نسيت مقطوع انزين جرب هذا ؟ الحين اي صيدلية دكتور ؟ يقولك انت عاد جرب روح السرداب اذا ما لقيته عندهم جرب العيادات الخارجية ؟؟.