يقولون الكويتي ماعليه قاصر؟الكويتي عليه مليون قاصر

مضحك مبكي محزن ان يذهب الشعب الكويتيوبين الاقدام ..ماذا يعني اذا كانت الحكومة
 ترشي النواب و النواب قبيضة واخرون طائفين او بعضهم يتدنى بلغة الحديث ويثير
الغوغائية ..هل يعني ان يقفل الشعب اذنيه ونطأطأ رؤوسنا ونرضى بالامر الواقع لان النواب طلعوا مو زينين ولان الحكومة دورها قمع الغوغائية والفتن ..نحن لا نراهن على الكويت نحن نحب الكويت بس اي كويت هذا كويت المستقبل ؟؟؟؟ونسمع العبارة تررن وتررن الكويتي يحمد ربهالكويتي ماعليه قاصر..يعني الكلمة حطها وابلعها وشكواك اكتبها بورقة وعطها بابا نويل  ؟
بكرسيمس. ولا الشكوى لله والشكوى لغير الله مذلة .بس الشق العود والخوف لا يوم يبلعنا هل يعني في فوضى اكثر من هذه سنتين بمجلس غير قانوني وعادي الديرة تمشي ولا ماشية مو ماشية غصب تمشي مادري شقول ماشية على البركة ولا على النية وحتي النية ما تسلم منها لان النية مطية. 
.من اول ما تطلع من البيت المشاكل ترف عليك الكل مستعسر .والصبح حزة الدوام اهني نتذكر كل مشاكلنا زحمة و لوية ودوامات مع المدارس اختناق اختناق وحر احر من الدرجات اللي مقررتها منظمات حماية حقوق الانسان انه يقدر يداوم وينتج ماعليه الدوام داوم وا المهم لا تتاخر عن الدوام واشلون ما نناخر وبينك وبين دوام المدارس نص الساعة لا وكل الكويت تداوم بنفس الوقت وتخلص دواماتها بنفس الوقت وتبي ما يصير زحمة ؟تبي ما تتاخر عن الداوم, وتلقا كل العالم ماتقول الا استغفر الله العظيم يالله الحمدلله اي هذه مشكلة سخيفة ياتروح مواصل يا داوم الفجر ياعادي تعودت على الخصم انزين الحين هم مشكلة سخيفة ثانية بس هم تبط الجبد و تخليك تسب الاسلاف كلهم او تتمت استغفر الله العظيم  ابسط المشاكل لي رحت الاميري وعندك موعد انسى تلحق انسى تلقى موقف او اصفط سيارتك بسوق شرق واعبر مشي واذا عندك مريض اقولك الله يرحمه..ولي تكلمت ع الهيكلة والبنية التحتية قالوا هذول مشاكل تافهة خل نحل المشاكل الكبيرة ولي سالت ليش ماكو تنمية وليش ما تنحل المشاكل الكبيرة يقولك خل نحل المشاكل الصغيرة اول علشان نقدر نحل المشاكل العودة ...انزين شالحل ؟حاول تبطل حلجك وتقول شكوى اذا ما اتهموك باثارة الفتنة والغوغائية او التامر على الحكومة !!بالعكس احنا ما نبي غير ابونا صباح ولا مرة تذمرنا من شيوخنا عسى هم ذخر انا اتكلم عن الديناصورات اللي كل واحد صارله قرن ومو راضي يتلحلح انزين راح ابدي فيهم انا لما وعيت على الدنيا لقيت ابوي مدير وعموم اصدقاءه اللي بنفس سنه يا مدير يا مراقب لا و المشكلة تشوف شهادتهم اللي معهد واللي ثانوي واللي دورات انزين العلم هو اساس التطور وانت تدرس و تكافح و مينينينك بالجامعة وعقبها منتلف حيلك من التعليم العالي اتي اتلاقي هالديناصورات اللي قاعدين على المكاتب و حابسين الدرجات و المسؤل هم ما يدري وين الله قاطة اهو بصوب و التطور اب صوب وكل ما يبتله فكرة جديدة طبعا يرفض يقول المزانية ما تسمح ولي يازتله اخذاها وحطاها بمخباته وحطها باسمه من هالشق لي هالشق وفيك خير تتكلم اذا ما انلعن سلسفيلك ولا بعد تبون تتطورون المشكلة الاخ اي يكشخ ماسك منصب وهو لا شهادة ولا علم ولا تطور ولاشي ماغير رافع التلفون عا مدير مكتبه او سكرتيره يقولك قول حق كومار اييب جاي واهو بس دح بالجاي جاي والله ما يتنازل ولا يقوم من الكرسي الا للقبر و كل شوي رافعين سن التقاعد؟ليش اصلا ماكو انتاجية بس حاكرين الدراجات و المناصب واحنا ماكو لا ترقي ولا درجات ولا مناصب مني للقبر موظف كحيان بس يود ال 10دك كل سنة واسكت ولا في بونس او تشجيعية ايه ذاك زمان ايام العز ايام التقدير.....وتطري عليك ايام العز تتذكر الكويتي بالبيوك والشفر اللي كل الكويتين يسوقون نفس السيارة والابو الشاب بزلوفه وكشختها و الابتسامة و الام اشزينها كله مبتسمة لا ولي صار اخر الليل اترست شعرها لفافات ونامت مخدتها منها وفيها واليهال اشزينهم ايروحون المدرسة مريقتهم الدولة شوربة عدس وكتكو وكاكاو بنجوم ولا اللبن الاخضر الحامض لا وملابسهم نفس الشي مرتبة معطيتهم الحكومة لا ياذون راس والدينهم ولا شي والكشاكيل والطوابع والجلاد الادعم جتي جوتي رياضة ابيض معطيتك الدولة ماكو غير لبس الرياضة والوان شينية ومولديكا وشريطة الالعاب و الجلاد الشفاف بس هذا اللي مطلوب وهم الاهل كانوا يتحلطمون يرجعون هاليهال البيت ولا البيت ماشالله موفر من يوم اهم بالابتدائي و شحليلهم الاب والام نايمين العصر واليهال ماكو دراسة سهلة و التلفزيون ما يبدي الا 2 علشان يحلون اليهال واجباتهم الله يحلوها من ايام ......ايام العز للاسف ان اهلنا لي ذكروا طفولتهم قالوا ايام الفقر واحنا لي ذكرنا طفولتنا قيلنا ايام العز بس ما اقول الا وعلية على اولادنا ماجري شبيحوشهم هالاجيال القادمة..لاوكنا متطورين و متقدمين وكنا كشخة كان السكن هين الحين اتموت ليما يطلعلك بيت  والا عيالك بالجامعة ولا والعيشة ما تسر اسعار الاراضي فوق المنطقي عيل في اي مكان بالعالم المفروض الارض سعرها 30% من سعر تكلفة البيت بس الهوامير ما يقصرون منشار ينشر بالكويتين الارض صار سعرها 200% من التكلفة غير مواد البناء وللحيت ال 70 ما تغيرت لا واللي يحر الاجارات طالعة بالعالي وبدل الاجار للحين 150-200دك من السبعينات اول كانت احسن شقة اجرها 200دك يعني نفس البدل والحين الاجار 600-700دك والبدل اقل من ربع القيمة رغم ان 150دك هذا تقنين الدولة لسعر الاجارات لا والدولة ما ترضا تساعد لا تراقب الاجارات ولا ترفع البدل يعني اشلون الواحد يعيشبللة يبوق ولا ينتحر,,
 غير التعليم اللي يغصبك تودي عيالك مدارس خاصة والمدارس الخاصة حدث فلا حرج يبيلها قرض بروحها ..وتعلمهم لي وصلوا الثانوية حتي الجامعة ماكو والكويت الدولة الوحيدة اللي القبول فيها لنسب الجيدجدا واول حتى اللي اييب 62% يدخل الجامعة ترا عقب مو من زين الوظايف اللي تارسينها ديناصورات لا و تضطر تبيع ملابسك علشان توديهم جامعة و الجامعة ما تقصر خذ الخليج جامعة تعجيزية بمعني الكلمة لا وعلشان الفلوس طايحين تسقط بالطلبة و الحكومة عمك اصمغ كل شي ولا التعليم ولا يزعلون الهوامير يالله علوا شبوا شبوا الديرة نار ولا اكو مشاريع واتيلك مشكلة ال بي او تي والروتين والمشاريع تدور سنين بالحكومة وفجاة تلقا شركة اجنبية منفذتها لي صاروا الكويتين يقطون خيرهم برا الديرة وغصي طيب تلقا الديرة زهق و ملل و صراخ نواب وتعنت حكومة لما تزهق تبي تنحاش من الديرة  وماكو الا تبيع كل ما تملك علشان تسافر ولا اتيلك سكة قلبية و تموت ههههه ويقولون الكويتي ماعليه قاصر ولي صرت كلش بتطلع فيها وبتصير هامور يتلك البورصة وكلت اللي لك واللي عليك والحكومة تتطمش لا قانون ثبات اقتصادي ولا لك يا الكويتي اي ضمان اقتصادي هم صج الله يعز الديرة بس ترا لي صرنا سلبين وسكتنا مالك الا حللين يا تسكت وتصير مثل اللبنانين اللي حارقتهم الديرة وبالنهاية بتموت فقر وقهر والا تنفجر وتطالب ويضحك عليك النواب واخرته هم بتحوشك سكة قلبية و تموت قهر والله شقول ما قول الا الشكوى للله بس اقول كاسر خاطري بابانويل بكرسمس  ولا مالك الا شمعة عيدميلادك بس ش بتلحق عليه زاد سقف المطالبات وانا اقول الشكوى لله مالك الا تتذكر ايام العز ايابا بس شوف شوف الصور ووسع صدرك