Popular Posts

Loading...

الأحد، 11 أبريل، 2010

وزارة التربية و التعليم


الصراحة يعني ما اتوقع انه ما في امه ماراح يكون في قلبها غصة و الله الكل ملاحظ الفرق بين التدريس الحين و التدريس اول الحين التدريس صار فوق المستوى العقلي للطلبة و المشكلة انا اللي يزور وزارة التربية يلقي قسم كامل اسمه التقنيات التربوبية مهمتها انجازة مشاريع و تنويع اساليب التدريس باستخدام التقنيات الحديثة و الاجهزة المرئية و المسموعة و عمل افلام و فلاشات مصورة طبعا شي متطور . بس تتوقعون قاعدين يسون مهام عملهم ؟ كل الابحاث المتطورة تاكيد انا الطفل يتعلم اسرع عن طريق الاشياء المرئية علشان جذي عيالنا حافظين الكارتونز اكثر من اساميهم ؟و بعدين شنو هل الاشياء الغريبة اللي قاعدين يدرسونا اياه و الدول المتقدمة ما تعرفها ؟ مثل تحليل العدد لعوامله الاولية ؟؟ قد احد منكم شاف اي دولة متقدمة تدرس هذا ؟؟؟.
انزين بسالكم تعرفون طابور الصباح طبعا هذا الضيم الاكبر تدرون شنو هذا؟ و اي دول ايهي تطبقه؟طبعا الطابور الصباح حركة شيوعية مبتدعة اخذناها من مصر علي ايام الحكم الشيوعي : تدرون شنو كانوا يقولون بالطابور الصباحي و احنا حورنا معناه ؟كان يقولون تحيا القومية العربية.وتحيا فلسطين حرة مستقلة و عقب هذا يبتدي المارش العسكري؟شنو طلبتنا الحين صاروا مجندين و عساكر؟ووين احترام العلم ؟ معقولة ؟كل يوم
ينكس و يرفعونه ؟لا هذا مو دليل الوطنية هذي فوضي اولا بدل بدعة طابور الصباح الاولي يكون فيه قسم, يقسم الطالب ان يذود عن وطنه وعن امير البلاد ويعلي كلمة الدين لان صج هذي مسؤلية كل مواطن و معني الوطنيةو بعدين شايفين جونا ينفع للطابور؟ ,انا صراحة كنت اعاني من الطابور لان عندي حالة مرضية وكان المفروض اني ممنوع اقعد بالشمس بتاتا, و بعدين يا الغالين اذا علي الاذاعة قولوها بالفرصة صيروا مثل الدول المتقدمة سوي مجلة اسبوعية توزع علي الطلبة اتوقع انها تكون افيد

هناك تعليقان (2):

Abdulraouf Murad يقول...

ذلك غيض من فيض يا سيدتي والتخلف أصاب جميع مرافق ووزارات الدولة الا من رحم ربي، نحتاج الى ثورة ثقافية شاملة لتغيير مجريات الأوضاع

شكرا لك ، ومبروك على المدونة .

rana يقول...

اشكرك عبد الرؤوف بس الخطوة الاولي بالتعديل اهي تحديد المشكلة و في مشاكل وايد محد يلتفت لها لان مافي احد اشار اليها و صدقني لو كل واحد تكلم و مكا سكت المسؤولين مطالبين بالحلول